ՓԱՌԱՏՈՆԻ ԿԱՆՈՆԱԿԱՐԳ

1.1 ՍԵԴՖԵՍՏ  փառատոնն (այսուհետ՝ Փառատոն) ընդգրկում է արվեստի տարբեր ոլորտներ:

1.2 Փառատոնի նպատակն է բացահայտել ՀՀ մարզերի և մայրաքաղաքի տաղանդավոր անհատ կատարողներին, ստեղծագործող խմբերին և ասպարեզ ստեղծել նրանց ելույթների համար:

1.3 Կազմակերպել վարպետության դասեր և հանդիպումներ արվեստագետների հետ:

1.4 Կազմակերպել ART SET պրոդյուսերական կենտրոնի համերգներ`Փառատոնի մասնակիցներով:

1.5 Փառատոնի մասին տեղեկություն կարելի է ստանալ www.artset.am  կայքից, Facebook:  ART SET Production Center group,  ART SET ֆեյսբուքյան էջից,  մարզպետարաններից, համայնքապետարաններից, երաժշտական և արվեստի ուսումնական հաստատություններից:

2.1  Փառատոնին կարող են մասնակցել ոչ պրոֆեսիոնալ ստեղծագործական խմբերը և անհատ կատարողները` առանց տարիքային սահմանափակման; 

2.2  Պրոֆեսիոնալ են համարվում այն անհատներն ու խմբերը, որոնց համար տվյալ արվեստի տեսակը հանդիսանում է վարձատրվող աշխատանք:  (Բանավոր տեղեկությունը բավարար է):

2.3 Փառատոնին կարող են մասնակցել նաև պրոֆեսիոնալներ, սակայն ովքեր ցանկանում են ելույթ ունենալ իրենց  մասնագիտացված աշխատանքից դուրս այլ ժանրում: Օրինակ. պրոֆեսիոնալ երգիչը ցանկանում է հանդես գալ որպես պարող, ասմունքող,  որպես որևէ անվանակարգի գործիքային խմբի անդամ, անհատ ջութակահար, դաշնակահար կամ իր մասնագիտական աշխատանքից  դուրս  այլ տեսակով, առանց սահմանափակման:

3.1 Դասական նվագարաններ՝ դաշնամուր, ջութակ, կլարնետ, շեփոր, քսիլոֆոն և այլն                                                                                                                

3.2  Ազգային  նվագարաններ՝ թառ, դուդուկ, դհոլ և այլն

3.3 Վոկալ` ակադեմիական,  ժողովրդական, էստրադային, ջազային և այլն

3.4 Կիթառ՝ ակադեմիական, էստրադային

3.5 Պար՝  դասական, ժողովրդական, ազգագրական, սպորտային, ժամանակակից

3.6 Դուետներ, տրիոներ, համույթներ, խմբեր՝ դասական գործիքներ, ազգային գործիքներ,

վոկալ, խառը և այլն

3.7 Բեմական խոսք` առակ, արձակ, չափածո, մենախոսություն և այլն

3.8 Թատերական արվեստ՝  թատերական ներկայացում, դրամատիկական, մնջախաղ, երաժշտական, պարային և այլն

3.9 Նկարչություն և դեկորատիվ-կիրառական արվեստ  գեղանկար,  գծանկար,  գրաֆիկա, ասեղնագործություն, փայտի փորագրություն,  կավագործություն, գորգագործություն, գոբելեն, բոլոր տեսակի ինքնատիպ  մտածողության կոմպոզիցիաներ և այլն

4.1 Փառատոնի կազմակերպման համար անհրաժեշտ հիմնական ֆինանսական միջոցները ձևավորվում  են Փառատոնի մասնակցության  համար սահմանված հավաքագրած վճարներից:

4.2 Հովանավորների  կամ աջակիցների առկայության դեպքում միջոցները կուղղվեն Փառատոնի զարգացմանն ուղղված  խնդիրների լուծմանը (տեխսարքերի ձեռքբերում, տպագիր խնդիրների ավելի բարձր որակի ապահովում, տրանսպորտային տեղաշարժի կազմակերպում, սննդի ապահովում, համերգների կազմակերպման համար մարզերում և Երևանում դահլիճների  ձեռքբերում, տարակարգ մրցանակների ձևավորում,  բազմաթիվ այլ  հարցերի լուծում):

4.3 Յուրաքանչյուր մասնակցի կողմից վճարման համար սահմանված են հետևյալ չափերը.

— Մենակատարներ  (բոլոր անվանակարգերի) — 5.000 դրամ

— Նկարչություն և դեկորատիվ-կիրառական արվեստ — 5.000 դրամ

— Դուետից սկսած բոլոր անվանակարգերի խմբերի յուրաքանչյուր անդամ -4.000 դրամ

   Ծանոթություն. Խմբերի ղեկավարները Փառատոնին մասնակցում են անվճար.

4.4 Վճարը փոխանցել ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ  ԱՁ  «Սեդրակ Խաչատուրի Գրիգորյան» 220299605653000 հաշվեհամարին:  (Տես վճարման ձևաթուղթ` N1):

4.5 Վճարում կատարելիս նշել՝ մասնակցի անուն, ազգանունը, վճարվող գումարը,  հեռախոսի համարը, անվանակարգը: (Նշել նպատակը՝ մասնակցություն փառատոնին):

4.6 Համույթների և խմբերի մասնակիցների վճարումները կատարել միանվագ, ղեկավարի անուն- ազգանունով,  նշել խմբի անունը  (…նպատակը՝ մասնակցություն փառատոնին):

4.7 Վճարված գումարը ետ չի վերադարձվում որևէ պատճառով չներկայանալու դեպքում:

4.8 Արցախցի մասնակիցները Փառատոնին մասնակցում են անվճար (Նշել` Արցախ):

4.9 Հատուկ կարիք ունեցող անհատները և ներառական բնույթի խմբերը  Փառատոնին մասնակցում են անվճար (Նշել` Հատուկ կարիք )

4.10 «Հատուկ» գործոնը (4,6 և 4.7 կետեր) գնահատման ժամանակ հաշվի չի առնվում:

5.1 Հայտ կարող է ներկայացնել Հայաստանի հանրապետության մարզերում և Երևանում բնակվող  ցանկացած անհատ քաղաքացի, ստեղծագործական խումբ կամ ուսումնական հաստատություն:

5.2 Հայտերը ընդունվում են 2024 թվականի փետրվարի 1-ից – մինչև 20-ը.

— Հայտը ուղարկե լ www.artset.am   info@artset.am  sedrakgrigoryan72@mail.ru   էլ. հասցեներին

— Կցել վճարման կտրոնի պատճեն՝ JPEG կամ PDF ձևաչափով. (մինչև 1MB)

— Հնչյունագրով ելույթ ունենալու դեպքում աուդիոնյութերը ուղարկել MP3 ձևաչափով ( 5MB)

5.3 Մասնակիցը կարող է հայտ ներկայացնել մի քանի անվանակարգում, վճարելով յուրաքանչյուր անվանակարգի համար առանձին, առանց զեղչերի:

5.4 Հայտերի ընդունման ավարտից 5 (հինգ) աշխատանքային օրվա ընթացքում հայտ ներկայացնող հաստատությունների և անհատների էլեկտրոնային հասցեներին կուղարկվեն անվանակարգերի լսումների  և ելույթների ժամանակացույցը:

5.5 Մասնակիցը իրավունք ունի չեղյալ համարել իր հայտը, մինչև հայտերի ընդունման ավարտը` 20.02.2024թ.: Այդ պարագայում կվերադարձվի իր կողմից վճարված գումարը:

5.6  Ներկայացնլով հայտը հաստատում եք, որ ծանոթացել եք Փառատոնին պայմաններին:

6.1 Ծրագրերը թույլատրվում է փոփոխել մինչև հայտերի ընդունման ավարտը (20.02.2024):

6.2 Կատարողական անվանակարգերի մասնակիցները կատարում են 2 ստեղծագործություն արագ և դանդաղ տեմպերով, այն հերթականությամբ ինչպես ուղարկված է հայտով:

6.3 Կատարողական անվանակարգերի երկու ստեղծագործությունների ընդհանուր տևողությունը չպետք է գերազանցի 8 րոպեն:

6.4 Ազգային հարվածային նվագարաններ — կատարում է մեկ շարան՝ տարբեր ռիթմերով:

6.5 Վոկալ, վոկալ դուետ, տրիո, համույթ, երգչախումբ — կատարում են երաժշտական ուղեկցությամբ կամ  «ա կապելլա»:

6.6  Դասական գործիքների համույթ, ազգային գործիքների համույթ, խառը գործիքների համույթ, վոկալ համույթ ` 4-11 մասնակից `կատարում են առանց խմբավարի:

6.7 Երգչախումբ, դասական գործիքների նվագախումբ, ազգային գործիքների նվագախումբ, խառը գործիքների նվագախումբ `12 և ավելի մասնակից `  կատարում են խմբավարի ղեկավարությամբ:

6.8 Բեմական խոսք անվանակարգում (ասմունք) — ներկայացվում է 2 ստեղծագործություն: Ստեղծագործությունների ընդհանուր տևողությունը չպետք է գերազանցի 8 րոպեն:

6.9 Թատերական ներկայացում, մյուզիքլ, այլ ժանր  — տևողությունը  30-45 րոպե, 1 գործողությամբ:

Կարելի է ներկայացնել դրամատիկական և մնջախաղային մանրապատումներ (մինչև 8 ր.):

6.10 Պարախումբ,  մենապար, պարային դուետ կամ տրիո -պարի երաժշտությունը ներկայացվում է հնչյունագրով (մինչև 5MB): Կատարվում է երկու պար: Մասնակիցների երկրորդ պարը կատարվում է բոլոր մասնակիցների առաջին կատարումներից անմիջապես հետո: Երկրորդ կատարման համար մասնակիցը կարող է փոխել իր բեմական հագուստը:

6.11 Նկարչություն, դեկորատիվ-կիրառական արվեստ — ներկայացվում է ցանկացած ժանրի ազատ թեմայով 2 աշխատանք: Նկարները`  ստվարաթղթե շրջանակով (պասպարտուով) A3 կամ A2 չափի: Բոլոր աշխատանքների վրա փակցվում են համարներով թղթիկներ և մասնակցի տարիքը:

6.12 Ստեղծագործության (աշխատանքի) դարձերեսին նշվում է հեղինակի անունը, ազգանունը, ծննդյան տարեթիվը, ստեղծագործության անվանումը, ուսումնական հաստատությունը: Եթե գործի վրա գրելն անհնար է, տվյալները ներկայացվում են  աշխատանքին կից տպագիր թղթով:

6.13 Աշխատանքները ներկայացվում են Փառատոնի անցկացման վայր նախապես հայտարարված ցուցահանդեսից  երկու օր առաջ: Անհրաժեշտության դեպքում մասնակցի կողմից ներկայացվում են աշխատանքների ցուցադրման համար հենակներ և այլ պարագաներ: 

7.1 Մասնակիցը փառատոնի անցկացման վայր է ներկայանում  իր ելույթի նշված ժամից առնվազն մեկ ժամ  առաջ:  Գրանցվում է տեղում գործող քարտուղարությունում: Ներկայանում է բեմական հագուստով, երաժշտական գործիքով, ինչպես նաև իր ելույթին անհրաժեշտ բոլոր պարագաներով:

7.2 Փառատոնի լսումները անցկացվում են մեկ փուլով:

7.3 Լսումները  տեղի կունենան Արարատի մարզի Վեդի համայնքի երաժշտական դպրոցի և մշակույթի տան համերգային դահլիճներում, մեկ շաբաթվա ընթացքում 3 օր, մեկ ամսում 12 օր,  ժամը՝ 15:00-ից մինչև 20:00  ժամանակահատվածում, մեկ ընդմիջումով:

7.4 Փառատոնի հաղորդավարը ելույթից առաջ հայտարարում է մասնակցի տարիքը, հերթական համարը, ստեղծագործության հեղինակի անունը և ստեղծագործության անվանումը:

7.5 Մասնակիցը ներկայացնում է երկու ստեղծագործություն իրար հետևից, ինչպես ներկայացված է հայտում, ընդմիջելով մի քանի վայրկյան` առանց բեմից հեռանալու, բացի «Պար» կարգից:

7.6 Երգ-խոսքային ելույթները ներկայացվում են բնական ձայնով, առանց խոսափողի

7.7 Վոկալ-նվագախմբային, Վոկալ՝ մինուսային հնչյունագրով (մինչև 5MB) անվանակարգի մասնակիցները ելույթ են ունենում խոսափողով:

7.8 Ելույթների հերթականությունը որոշվում է ըստ մասնակցի տարիքի և այբբենական կարգի:

7.9 Փառատոնի անցկացման վայրից հեռու բնակվող մասնակիցը ելույթ է  ունենում արտահերթ,  համապատասխան անվանակարգի իր տարիքային խմբում:

8.1 Բոլոր մասնակիցների ելույթները գնահատվում են 3 անձից բաղկացած նեղ մասնագիտական հանձնախմբի կողմից, որոնց սաները չեն մասնակցում Փառատոնին:

 8.2 Ելույթների գնահատման նպատակը  մասնակիցների մասնագիտական կարգը որոշելն  է  և  Փառատոնի ԵԶՐԱՓԱԿԻՉ (ԳԱԼԱ) ՀԱՄԵՐԳԻ ծրագիրը կազմելն է, որի ընթացքում ելույթ կունենան ամենաբարձր միավորներ վաստակած ոչ բոլոր անհատներն ու խմբերը: Գնահատման կարգը հաշվի կառնվի ATR SET կենտրոնի կազմակերպած այլ համերգների ընթացքում:

8.3 Բոլոր մասնակիցները տարբեր չափի միավորներ և ըստ այդմ տարբեր դիպլոմներ կստանան: Բոլորը  ուսուցիչների ու ծնողների հետ միասին կկարող են մասնակցել ԳԱԼԱ ՀԱՄԵՐԳԻՆ որպես հանդիսատես: Բոլոր մասնակից-դիպլոմակիրների անունները կհայտարարվի բեմից:

8.4 Յուրաքանչյուր ստեղծագործություն գնահատվում է 1-10  միավոր սանդղակով, հանձնախմբի յուրաքանչյուր անդամի կողմից: Ըստ այդմ առավելագույնը դառնում է 60 միավոր: (3x2x10):

8.5 Հանձնախմբի գնահատման թերթիկում նշված են միայն մասնակցի հերթական համարը, տարիքը, ստեղծագործության հեղինակի անունը և ստեղծագործության անվանումը:

8.6 Հանձնախմբի գնահատականները կախված չեն  նվագակցման, հնչյունային տեխնիկայի որակից: Գնահատումը կատարվում է ըստ մասնակցի տարիքի, ծրագրի և կատարման որակի: Լսումների ընդմիջմանը հայտարարվում է առաջին բաժնի  մասնակիցների միավորները:

8.7 Լսումների ժամանակ հանձնախմբի անդամները իրավունք չունեն ընդհատել ելույթը:

8.8 Մասնակցի միավորները հայտարարվում է իր անվանակարգի բոլոր լսումների վերջում: 

8.9 Հանձնախմբի կողմից արձանագրված միավորները ենթակա չեն փոփոխման:

8.10 Հանձնախմբի որևէ անդամի բացակայության դեպքում գնահատում է Փառատոնի նախագահը:

8.11 ՄԵԾ ՄՐՑԱՆԱԿ կարող են ստանալ տարբեր անվանակարգերի անհատներ կամ խմբեր, բայց ոչ ավելի, քան  5 ՄԵԾ ՄՐՑԱՆԱԿ, որը  ընտրվում է բոլոր անվանակարգերի լսումների ամենավերջում  և հաստատվում է  ժյուրիներից կազմված ընդհանուր Խորհրդի կողմից:

8.12  ՓԱՌԱՏՈՆԻ ՆԱԽԱԳԱՀԻ ԳԼԽԱՎՈՐ ՄՐՑԱՆԱԿԸ 1 ՄՐՑԱՆԱԿ Է, որը ընտրվում է բոլոր լսումներից հետո, Փառատոնի  ամենավերջում, ժյուրիի ընդհանուր Խորհրդի առաջարկությամբ  և Փառատոնի նախագահի պարտադիր համաձայնությամբ ու հաստատմամբ: 

8.13 «ՄԵԾ» և «ՆԱԽԱԳԱՀԻ» մրցանակները հայտարարվում են միայն ԳԱԼԱ ՀԱՄԵՐԳԻ ժամանակ: ՄԵԾ  ՄՐՑԱՆԱԿՆԵՐԸ բեմում հանձնում են ժյուրիի ընդհանուր Խորհրդի անդամները, իսկ ՆԱԽԱԳԱՀԻ  ՄՐՑԱՆԱԿԸ  հայտարարում և հանձնում է անձամբ` Փառատոնի նախագահը:

8.14  ԳԱԼԱ ՀԱՄԵՐԳԻ ժամանակ, թվարկման կարգով հայտարարվում են Փառատոնի բոլոր մասնակիցների ստացած դիպլոմների կարգը և նրանց անունները:

9.1 Յուրաքանչյուր անվանակարգում հաղթող է ճանաչվում  տվյալ անվանակարգում առավելագույն միավոր վաստակած անհատ մասնակիցը կամ խումբը:

—  ՍԵԴՖԵՍՏ ՓԱՌԱՏՈՆԻ ՆԱԽԱԳԱՀԻ ՄՐՑԱՆԱԿ (60 ++) – 1 մրցանակ

—  ՍԵԴՖԵՍՏ ՄԵԾ ՄՐՑԱՆԱԿ (60 + միավոր) – 5 մրցանակ

— Առաջին մրցանակ (57,58, 59, 60  միավոր)–Բոլորը, ովքեր ստացել են 57-60 միավոր

— Երկրորդ մրցանակ (51, 52,53, 54, 55, 56 միավոր) – Բոլորը, ովքեր ստացել են 51-56 միավոր

— Երրորդ մրցանակ  (44, 45, 46,47,48,49,50 միավոր) – Բոլորը, ովքեր ստացել են 44-50 միավոր

— Նոմինացիաներ (36,37,38,39,40,41,42,43 միավոր)-Ըստ առանձին որակների 36-43 միավոր

— Փառատոնի մասնակից  (30,31,32,33,34, 35, 36 միավոր)-Բոլորը, ովքեր ստացել են 30-35 միավոր

10.1 Մրցանակների հետևյալ կարգերի հետ հանձնվում են.

ՍԵԴՖԵՍՏ ՓԱՌԱՏՈՆԻ ՆԱԽԱԳԱՀԻ ՄՐՑԱՆԱԿ – Փառատոնի խորհրդանիշ-արձանիկ և դիպլոմ

ՍԵԴՖԵՍՏ ՄԵԾ ՄՐՑԱՆԱԿ – Գավաթ` Փառատոնի խորհրդանիշով և դիպլոմ

Առաջին մրցանակ- Ոսկեփայլ կրծքանշան և դիպլոմ

Երկրորդ  մրցանակ- Արծաթափայլ կրծքանշան և դիպլոմ

Երրորդ մրցանակ- Բրոնզե կրծքանշան և դիպլոմ

Նոմինացիաներ — Խորհրդանիշ-հուշանվեր և հատուկ անվանակարգը նշված դիպլոմ

Փառատոնի մասնակից – Մասնակցության վկայագրեր

10.2 Դուետի, տրիոյի, համույթի և խմբի դեպքում մրցանակը, դիպլոմը  շնորհվում է տվյալ խմբի ղեկավարին, իսկ խմբի անդամները ստանում են փառատոնի մասնակցության վկայագրեր:

10.3 Փառատոնի մասնակիցների ուսումնական հաստատությունների տնօրենները և ուսուցիչները ստանում են Փառատոնի մասնակցության ՇՆՈՐՀԱԿԱԼԱԳՐԵՐ:

10.4 Մրցանակաբաշխությանը չներկայացած մրցանակակիրները՝ մրցանակները, դիպլոմները, վկայականները  վերցնում են Փառատոնի կազմկոմիտեից:

10.5 Տարվա ընթացքում կազմակերպվում են  առանձին հավաքական համերգներ, սակայն  ոչ բոլոր մասնակիցների հետ և համերգների  մասնակիցները ընտրվում են ժյուրիի առաջարկով:

10.6 Գալա համերգը և մրցանակակիրների նկարները կտեղադրվեն www.artset.am կայքում:

11.1 Փառատոնի լսումների ժամանակ  հանդիսատեսի մուտքը դահլիճ ազատ է, սակայն ոչ ելույթների ընթացքում: Ելույթին խանգարող անձը հրավիրվում է դահլիճից դուրս:

11.2 Ելույթների ժամանակ ելումուտն ու անցուդարձը դահլիճում արգելվում է: Ելույթի ընթացքում հանդիսատեսը չի կարող մտնել դահլիճ կամ լքել դահլիճը մինչև ընդմիջում:

11.3 Մասնակիցներին և հանդիսատեսին արգելվում է օգտագործել դահլիճը աղտոտող, հրդեհ առաջացնող պարագաներ դահլիճում օգտագործել սնունդ և հյութ: Կարելի է միայն ջուր:

11.4 Մասնակիցը ստանում է 0 միավոր, եթե նա կամ ներկայացուցիչը վնաս է պատճառում գույքին, վիրավորանք հասցնում հանդիսատեսին, այլ մասնակցին, հանձնախմբի անդամին, փառատոնի կազմկոմիտեին, ինչպես նաև փորձում է որևէ կերպ ազդել գնահատականի վրա:

11.5 Փառատոնի մասնակիցների ելույթը սպորտային վերնազգեստով արգելվում է:

12.1 Փառատոնի կազմակերպիչները իրավունք ունեն տեսանկարահանել և լուսանկարահանել Փառատոնի ընթացքը, հեռարձակել դրանք համացանցով www.artset.am  կայք, ուղիղ եթեր You Tube «ART SET» Production Center, հրավիրվել թղթակիցներ, օգտագործել Փառատոնին վերաբերվող նյութերը մամուլում, «ART SET»  կենտրոնի գովազդներում և տպագիր նյութերում:

12.2 Նվագակցողի բացակայության դեպքում նվագակցող չի տրամադրվում:

12.3 Փառատոնի մասնակիցների ցուցակները, ելույթների օրերն ու ժամերը, մասնակիցների ընդհանուր միավորները, մրցանակային կարգերը, փառատոնի ընթացքին վերաբերվող այլ տեղեկություններ և հնարավոր  փոփոխությունները կուղարկվեն յուրաքանչյուր անհատ մասնակցի և մասնակից  խմբի,  ուսումնական հաստատության էլեկտրոնային հասցեին:

12.4 Կերպարվեստի  ժանրերի մասնակիցները իրենց ստեղծագործությունները  կարող են վերցնել ցուցահանդեսի ավարտից 1-3 օրվա ընթացքում՝ Փառատոնի անցկացման վայրից:

12.5 Փառատոնի կազմակերպիչները կարող են կատարել փոփոխություններ, եթե տվյալ փոփոխությունները նպաստում են Փառատոնի անցկացման բարելավմանը:

12.6 Փառատոնը ամբողջությամբ, կամ մասնակի կարող է հետաձգվել կամ չկայանալ ֆորս-մաժորային դեպքում, որոնք չեն կարող կարգավորվել Փառատոնի կազմակերպիչների կողմից:

12.7 Բարդ իրավիճակում, հնարավորության դեպքում Փառատոնը կանցկացվի օնլայն:

12.8 Բոլոր կարգի նորությունները և  փոփոխությունները տեղ կգտնեն www.artset.am կայքում:  Կայքը պատրաստել է PR Focus ընկերությունը:

12.9 ՊԱՏՎԱՎՈՐ ՀՅՈՒՐԻ ԿԱՐԳԱՎԻՃԱԿՈՎ ԵԶՐԱՓԱԿԻՉ ԳԱԼԱ ՀԱՄԵՐԳԻՆ ԿԱՐՈՂ ԵՆ ՄԱՍՆԱԿՑԵԼ ԱՆՎԱՆԻ ԱՐՏԻՍՏՆԵՐ, ՍՏԵՂԾԱԳՈՐԾԱԿԱՆ ԽՄԲԵՐ, ՈՎՔԵՐ ԿՍՏԱՆԱՆ «ՍԵԴՖԵՍՏ» ՓԱՌԱՏՈՆԻ ՊԱՏՎԱՎՈՐ ՀՅՈՒՐԻ  ԴԻՊԼՈՄ ԵՎ ՇՆՈՐՀԱԿԱԼԱԳԻՐ: